كل سنه تقول هعمل وأسوي

السلام عليكم ورحمه الله وبركاته

بسم الله

كل سنه بتدخل رمضان بقلب جامد

وتقول هعمل واسوى ..

وكل سنه بتيجى بعد اول اسبوع وتبدأ همتك تنزل

واحده... واحده ... واحده

وانت شايفها ومش قادر تعمل حاجه
وكل سنه تقول السنه دى غير كل سنه انا السنه دى هكسر الدنيا و.......

ايه رايك بقي ان انت السنه ديه هتكسر الدنيا بجد وهتعمل اللى مكنتش قادر تعمله كل سنه بإذن الله

كل سنه بتقول هاختم القرآن وتقف عند جزء معين منه وتنشغل وتتأخر بره وتخرج مع اصحابك

والمحصله انك مبتختمش القرآن الا على الحركرك واللى بيشد حيله اوى يدوب بيختمه مره واحده

السنه ديه بقي هنبص للموضوع من منظور مختلف و هنختم القرآن كله إن شاء الله
تعالوا مع بعض اوريكوا الموضوع بسيط جدا اد ايه
شوف يا سيدى
المصحف600صفحه ..صح (لو مش مصدقنى روح بص فى المصحف بسرعه وتعالى)
ها طلع كام ..اوك ... تعالى نكمل بقي
المصحف600صفحه على30يوم بكام يا ريس...

%$#@#%$#@%$+*^%&-&*%&^%=%^$$%#&

يا عم متعقدهاش الحسبه ابسط من كده 600/30=20 صفحة

شفت سهله ازاى
طيب يعنى فى اليوم20صفحه واحنا عندنا5صلوات فى اليوم
يبقى20 / 5مظبوط ايوه كده
4صفحات
يبقى انت لو قريت4 صفحات بعد كل صلاه يبقى فى اليوم هتخلص20صفحه
يعنى فى الشهر هتخلص القرأن مستريح اوى
عايز نصيحتى خاليهم30فى اليوم علشان لو جيت انشغلت فى يوم من الايام يتعوض فى يوم تانى
استنى الايميل لسه مخلصش
الدال على الخير كفاعله
شوف بقي لو بعت الايميل ده لكل اصحابك ونشرته في المنتديات والمواقع وختموا القرآن بسببك هيتحسبلك أجر وثواب اد ايه

يااااااااااااااااااه ده انت تبقى ختمته كتيييييييييييييير أوى

يالا يا عم شد حيلك عايزين الناس كلها تختم القرآن السنه دى على إيدك

» هل يجوز ان تقول لأحدهم ياسيدي؟؟؟